Jïlleskuvlen joekehtimmiemoenehtse gyhtjelassigujmie joekehtimmien bïjre barka. Vuesiehtimmien gaavhtan joekehtimmie studeentijste. Universiteetijste, jïlleskuvlijste jallh barkoe-jïlleskuvle ööhpehtimmijste. Joekehtimmiemoenehtsem barre gyhtjelassigujmie barka, maam rektovrem aktene sjïere skuvlesne tjaaleme jïh moenehtsasse seedteme.

Akte nännoestimmie joekehtimmien bïjre säjhta jiehtedh ahte akte studeente ij åådtjh ööhpehtimmiem jåerhkedh. Sïejhme aaj, ahte studeentem ij åådtjh jeatjah, plearoeh skuvlese dåhkasjovvedh.

Nännoestimmie joekehtimmien bïjre maahta aaj darjodh juktie studeentem ij åådtjh jeatjah jïlleskuvle-ööhpehtämman dåhkasjovvedh gännah.

Akte studeente maahta jïlleskuvle-ööhpehtimmeste joekehtovvedh jis:

Dïhte psyjhkeles dåeriesmoerem åtna,

• Alkohole jallh nartkotijhke båajhtede pråvhka, jallh
• alvas meadtoe dorjeme.

Kreava aaj:

• Vaahram ahte studeentem maahta jeatjah almetjem jallh eekem ööhpehtimmietïjjesne fäjloedidh.

Psyjhkeles dåeriesmoere jïh båajhtede-pråvhkoe

Jis sjïeke gååvnese, vïenhtedh ahte akte studeente byöroe skuvleste joekehtovvedh, joekehtimmiemoenehtsem maahta studeentem eevtjedh dåaktarasse mïnnedh.

Ij gååvnesh naan sjïere toelhkeme mij psyjhkeles dåeriesmoere lea. Ovmessie psyjhkiatrikerh maehtieh psyjhkeles dåeriesmoerem jeatjhlaakan toelhkedh. Sosijaaleståvroen mietie, dïhte akte dåeriesmoere, almetjen psyjhkeles evtiedimmesne, mij almetjen vuekie stöörie.

Alvas meadtoe

Alvas meadtoe lea ålvasmeadtoe jallh narkotijhke-meadtoe. Dïhte säjhta jiehtedh alvas meadtoe mestie roestegåetie-bysvehtsh, unnemes akte jaepie åådtje. Alvas skaara jïh meadtoeh mah unnemes akte jaepie roste-gåetesne vedtieh, aaj ryöknesovveme goh alvas meadtoe.

Akte studeente mij lea maam-akth dejstie meadtojste dorjeme, maahta aaj joekehtamme sjïdtedh jis akte jallh vielie meadtoeh dorjeme, mah ektesne, unnemes akte jaepie vedtieh.

Pryövoe myödtese lea seamma alvas.

Bäjhkoetimmeste nännoestämman

Akte aamhtese aalka dan männgan akte rektovre aktene universiteetesne jallh jïlleskuvlesne akte bäjhkoehtimmie sïjse seedteme. Akte aamhtese maahta aaj pryöveme sjïdtedh jis akte studeente säjhta aamhtesem vihth pryövedh. Jïlleskuvlen joekehtimmiemoenehtse maahta, jis daerpies, baajedh studeentem dåaktarasse mïnnedh, jallh daerpies bïevnesh studeenten bïjre, belastningsregistretste vïedtjedh. Maehtieh aaj jeatjah bïevnesh, vuesiehtimmien gaavhtan bïevnesh healsoe- jïh skïemtjepråvhkoste jallh sosijaale-dïenesjistie vïedtjedh.

Gosse joekehtimmiemoenehtsem nännoestimmiem vaalteme, dle dåhkasjimmiemoenehtsidie jïh Centrala studiestödsnämndem beavna.

Joekehtimmiemoenehtsen nännoestimmesne maahtah sïejhme reereme-dåapmoestovlese klååkedh.

Gaskese

Årrome-sijjie

Jïlleskuvlen joekehtimmiemoenehtse
Box 7249
103 89 STOCKHOLM
Sverige

Guessie-sijjie

Hammarbybacken 31, Stockholm

Tfn 08-563 087 00
Fax 08-563 085 50
E-påaste han@han.se